В Атырау -10 
Polisia.kz хабарлауынша, 27 қаңтардан бастап облыс көлемінде «Тұрмыс» атты жедел-профилактикалық іс-шара басталды. Оның мақсаты — отбасындағы құқық бұзушылықтардың алдын алу.
Атырау қаласы №1 полиция бөлімінің қоғамдық қауіпсіздік қызметкерлері учаскелік инспекторлармен бірге жанжал жиі болатын отбасыларды аралап, түсіндіру жұмыстарын жүргізуде.
Жыл басынан бері «102» арнасына 100-ден астам қоңырау түскен. Соның нәтижесінде 79 адамға қорғау нұсқамасы беріліп, 20 азаматқа сот шешімімен мінез-құлқына қатысты ерекше талаптар қойылды.
Бұл шаралар тұрмыстық зорлық-зомбылықтың алдын алуға және қайталануына жол бермеуге бағытталған. Егер сіз осындай жағдайға тап болсаңыз немесе куәгер атансаңыз, дереу полицияға хабарласуыңыз қажет. «102» арнасы тәулік бойы кеңес беріп, көмек көрсетуге дайын.