Бейнеу — Бозой — Шымкент магистральды газ құбырының екінші желісін кім салады

100 рет қаралды

Бейнеу — Бозой — Шымкент магистральды газ құбырының екінші желісін салатын мердігерлер анықталды, деп жазады Petrocouncil.kz.

Дереккөздердің мәліметінше, жұмыстар үш компания арасында бөлінді: ЭХЗ (бір лот), МСС (екі лот) және «КазСтройСервис» (KSS). Сарапшылардың айтуынша, мұндай ауқымды құбыр жобаларын жүзеге асыруда ең көп тәжірибеге ие компания — KSS.

Жобаны «ББШ-2» ЖШС (Beineu–Bozoi–Shymkent 2 Ltd.) жүзеге асырады. Бұл — QazaqGaz бен UCC Holding-тің бірлескен кәсіпорны. Жоба газ тасымалдау инфрақұрылымын кеңейтуге, өткізу қабілетін арттыруға және елдің энергетикалық қауіпсіздігін нығайтуға бағытталған.

Газ құбырының жалпы ұзындығы 1452 шақырымды құрайды. Құрылыс шамамен 360 шақырымнан тұратын төрт лотқа бөлінген. Жұмыстарды аяқтау 2026 жылдың желтоқсан айына жоспарланған.

Жобаның жалпы құны 1 миллиард АҚШ долларынан асады. Газ құбырының екінші желісін салу Қазақстанның газ тасымалдау жүйесін дамыту үшін стратегиялық маңызға ие және халықаралық келісімдер аясында жүзеге асырылуда.

Бүгін, 13:44

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.