«Самұрық-Қазына» ​​Қашағандағы газ өңдеу зауыты құрылысын бақылауда ұстап отыр

«Самұрық-Қазынаның» портфельдік компаниясы – «QazaqGaz» АҚ Қашаған кен орнында газ өңдеу зауытын салуды жалғастыруда. Зауыттың жобалық қуаты жылына 1 млрд текше метр газды құрайды.

Құрылыс алаңында шамамен 1500 маман жұмыс істейді әрі 346 техника жұмылдырылған. Еңбек қауіпсіздігіне ерекше көңіл бөлінуде.

Бүгінгі таңда атқарылған негізгі жұмыстар:

• Іргетасқа 58 399 м³ бетон құйылды – 76,7%;
• 8 786 тонна металл құрылымдар орнатылды – 43,4%;
• 4 671 тонна механикалық жабдық орнатылды – 47,6%;
• 1 863 тонна резервуар қойылды – 92,6%;
• 24 608 м жерасты құбырлары тартылды – 54,2%.

"Самұрық-Қазына" жоба Қордың қатаң бақылауында екенін атап өтті. Оның іске асырылуы елде өңделетін газ көлемін арттырып, газ-химия саласының дамуына серпін беретінін деп айта кетті.