В Атырау -10 
Шымкентте кісі өлімімен аяқталған қайғылы оқиға орын алды. Пышақ жарақатын алған әйел оқиға орнында қаза болды.
Алдын ала мәліметтер бойынша, ер адам мен әйел адам арасында өзара араздық салдарынан жанжал туындаған. Сөзге келмей қалған ер адам қарсыласына пышақ жарақатын салған. Ауыр жарақат алған әйел оқиға орнында көз жұмды.
Қанды оқиға туралы куәгерлер бірден полицияға хабар берген. Тәртіп сақшылары жедел іздестіру шаралары барысында күдіктінің ізін суытпай тапты. Алайда, оны ұстау оңайға соқпаған. Күдіктінің қолында қару болған және ол полиция қызметкерлеріне белсенді қарсылық көрсеткен. Осыған байланысты, тәртіп сақшылары қылмыскерді ұстап алу үшін табельдік қару қолдануға мәжбүр болған.
Күдіктіге медициналық көмек көрсетілгеннен кейін, ол бірден қамауға алынды. Қазіргі уақытта оқиғаның барлық мән-жайын анықтау мақсатында тергеу амалдары жүргізіліп жатыр.