В Атырау -10 
Қазақстан Ауғанстан аумағы арқылы Араб теңізінің порттарына шығуды жоспарлап отыр, деп хабарлайды Forbes Kazkhstan.
"Торғұнды — Герат — Қандағар — Спин-Болдак" теміржол құрылысы жобасының іске асырылу барысы туралы көлік вице-министрі Жәнібек Тайжанов хабарлады. Үкіметтің баспасөз қызметінің ақпараты бойынша, жоба жоспарлы режимде жүзеге асырылуда.
Бағдар Ауғанстанды Араб теңізіндегі Пәкістанның теңіз порттарымен байланыстыратын негізгі логистикалық тораптардың бірі Спин-Болдак арқылы өтеді. Жобаны іске асыру Қазақстанға көлік дәліздерін кеңейтуге және оңтүстік бағыттағы экспорттық-логистикалық әлеуетін нығайтуға мүмкіндік береді.
"Қазақстан тарапы Біріккен Араб Әмірліктерінің энергетика және инфрақұрылым министрлігіне үш жақты меморандумның жобасын әзірлеп, жіберді, оған қол қою ағымдағы жылдың ақпанында жоспарланған. Сондай-ақ Пәкістанның темір жол министрлігімен бөлек меморандумға қол қою пысықталуда. Пәкістан тарапы ұсынылған бағдарды қолдайды", - деп хабарлады үкіметте.