Германия канцлері: «Еуропа оянды, келіссөздер нәтижелі болды»

Германия канцлері Фридрих Мерц Еуропаның бірлігі Гренландияға қатысты келіссөздердің табысты өтуіне ықпал еткенін айтты, деп хабарлайды АА.

«Еуропа оянды», – деді ол.

Мерц америкалық X әлеуметтік желісінде Дания премьер-министрі Метте Фредериксен және Гренландия премьер-министрі Йенс-Фредерик Нильсенмен кездесу жайлы ақпаратпен бөлісті.

Ол «Еуропа оянды» деген сөзді қолданып, Еуропаның бірлігі келіссөздердің нәтижелі болуына көмектескенін атап өтті.

Канцлер Германияның НАТО серіктесі ретінде Солтүстік аймақтағы қауіпсіздікті қамтамасыз ету үшін белсендірек әрекет жасайтынын және бұл тұрғыда Фредериксен мен Нильсенге сендіргенін жеткізді.

Мерц Фредериксен және Нильсенмен Welt газеті ұйымдастырған Экономикалық саммит аясында кездесті.