Оң жақ жағалауға газ беру тоқтатылады

Бүгін, 3 қазанда, «ҚазТрансГаз Аймақ» АҚ Атырау ӨФ Атырау қаласының оң жақ жағалауына, сонымен қатар Махамбет ауданының Алмалы мен Береке селоларына «газ құбырына ойымдар орнатуға байланысты» 9 қазан сағат 8-ден 10 қазан сағат 20-ға дейін табиғи газ беру тоқтатылғандығы туралы хабарлама таратты.

Бүгін түстен кейін «Атырау» магистральды газ құбыры басқармасы Атырау қаласының сол жақ жағалауына газ беруді жалғастырды. Сол жақ жағалауда 30 қыркүйектен бастап жоспарлы-алдын алу жөндеу жұмыстары салдарынан «көгілдір отын» ажыратылған болатын.

Мұрат СҰЛТАНҒАЛИЕВ