В Атырау -10 
Қазақстан Республикасы Ұлттық Банкінің Ақша-кредит саясаты комитеті базалық мөлшерлемені жылдық 18,0% деңгейінде (+/-1 п.т. дәлізімен) қалдыру туралы шешім қабылдады.
2025 жылдың қорытындысы бойынша инфляция 12,3% болды. Оның ішінде азық-түлік бағасы 13,5%-ға өсіп, негізгі үлес қосты. Азық-түлікке жатпайтын инфляция 11,1%-ға дейін төмендеді, ал ақылы қызметтер 12,0%-ға жетті. Желтоқсанда айлық инфляция 0,9%, базалық инфляция – 0,8% деңгейінде тіркелді.
Ұлттық Банк инфляцияның жоғары болуын ішкі сұраныстың ұсыныстан асып түсуімен, тарифтік реформалар мен жанар-жағармай нарығын ырықтандырудың әсерімен байланыстырады. Халықтың инфляциялық күтулері 14,7%-ға дейін өсті. Әлемдік азық-түлік бағасы әлі де жоғары, ал Ресей мен ЕО-да инфляция бәсеңдеген.
2025 жылы Қазақстан экономикасы 6,5%өсім көрсетті. Көлік, құрылыс, сауда, тау-кен және өңдеу өнеркәсібінде жоғары қарқын сақталды.
Ұлттық Банк мөлшерлемені 2026 жылдың бірінші жартысына дейін қазіргі деңгейде сақтауы ықтимал. Келесі шешім 6 наурызда сағат 12:00-де жарияланады.