В Атырау -10 
Бүгін, 2025 жылғы 23 қаңтарда "Атамекен" Ұлттық кәсіпкерлер палатасының XIII съезінде президиумның жаңа төрағасы сайланды, деп хабарлайды petrocouncil.kz.
Бұл қызметке Райымбек Баталовтың орнына Қанат Шарлапаев келді.
Қанат Шарлапаев Саратов әлеуметтік-экономикалық университетін "Бухгалтерлік есеп және аудит" мамандығы бойынша, сондай-ақ Cranfield School of Management (Ұлыбритания) "Қаржы және басқару" бағыты бойынша магистр дәрежесін алған.
Еңбек жолын халықаралық қаржы саласында бастады. 2006-2015 жылдары Citi инвестициялық банкінде (Ұлыбритания, Чехия, Лондон) қаржы департаментінің маманынан Еуропа, Таяу Шығыс және Африка бойынша стратегиялық жоспарлау және талдау өңірлік тобының вице-президентіне дейінгі жолдан өтті.
2015-2022 жылдары Ситибанк Қазақстан мен Ситибанк Ресейде бас қаржы директоры және аға вице-президент лауазымдарында болып, басшылық қызметтерді атқарды.
2022 жылдың ақпанынан бастап мемлекеттік қызметке ауысты: "Бәйтерек" ҰБХ" АҚ басқарма төрағасы және директорлар кеңесінің мүшесі болды, содан кейін Қазақстан Республикасының өнеркәсіп және құрылыс министрі қызметін атқарды (2023-2025). Соңғы қызметі — Қазақстан Республикасы Президентінің экономикалық мәселелер жөніндегі көмекшісі (2025).