В Атырау 0 
Куба президенті Мигель Диас-Канель АҚШ президенті Дональд Трамптың Гаванаға «уақыт тым кеш болмай тұрғанда келісімге келу» жөніндегі үндеуіне қатаң жауап берді, деп хабарлайды АА.
«Бізге ешкім не істеу керегін айта алмайды», – деп жазды ол әлеуметтік желідегі парақшасында.
Диас-Канель Кубаның агрессивті мемлекет емес екенін, ал соңғы 66 жыл бойы АҚШ тарапынан қысым көріп келе жатқанын атап өтті. «Куба – еркін, тәуелсіз әрі егемен ел. Бізге ешкім қалай әрекет ету керегін диктата алмайды», – деді ол. Президент кубалық халықтың отанды «соңғы тамшы қанға дейін» қорғауға дайын екенін де қоса айтты.
11 қаңтарда Дональд Трамп Кубаға Венесуэладан енді мұнай да, қаржылай көмек те келмейтінін жариялады. Оның айтуынша, бұған дейін Гавана Венесуэла басшыларына «қауіпсіздік қызметін» ұсынып келген, бірақ бұл тәжірибе тоқтатылды.
Трамп АҚШ-тың «әлемдегі ең қуатты армиясы» бар екенін айтып, Венесуэланы қорғауға дайын екенін мәлімдеді.
Каракаста түн ортасында жарылыстар мен ұшақтардың дыбысы естілді.
Венесуэла билігі АҚШ-ты елдің азаматтық және әскери нысандарына соққы жасағаны үшін айыптады.
Таңертең Трамп операцияны растады: президент Николас Мадуро мен оның жұбайы Силия Флорес ұсталып, елден тыс жерге шығарылды.
АҚШ бас прокуроры Пэм Бонди Мадуро мен Флореске қарсы ресми айып тағылғанын хабарлады: есірткі терроризмі, кокаинді АҚШ-қа жеткізуге астыртын келісім, қару-жарақ сақтау және АҚШ-қа қарсы қастандық.
Венесуэла үкіметі АҚШ әрекетін егемендікті өрескел бұзу деп бағалап, халықаралық қауымдастықты қатаң пікір білдіруге шақырды. Әлем елдерінің реакциясы әртүрлі болды: кейбір мемлекеттер Вашингтонды айыптаса, басқалары қолдау білдірді немесе пікір білдіруден бас тартты.
5 қаңтарда Венесуэла вице-президенті әрі мұнай министрі Делси Родригес уақытша президент ретінде ант қабылдады. Ол Мадуро мен оның жұбайын «қаһармандар» деп атап, олардың АҚШ-та тұтқында отырғанына өкініш білдірді.