В Атырау -7 
2026 жылдың алғашқы түні еліміздің перзентханаларында қуанышты оқиға болды – 254 нәресте дүниеге келді. Ұлдар мен қыздардың саны теңдей түскен. Ақтөбе облысында бір егіз туғаны хабарланды.
Денсаулық сақтау министрлігінің мәліметінше, ең көп сәби дүниеге келген өңірлер:
- Түркістан облысы – 29 бала
- Шымкент қаласы – 24
- Астана қаласы – 22
- Алматы қаласы – 21
Бұл көрсеткіштер жаңа жылды жаңа өмірмен қарсы алған өңірлердің белсенділігін айқындайды.
ҚР Денсаулық сақтау министрлігі «Аналар саулығы» бағдарламасы аясында болашақ аналарға медициналық қолдау көрсетуді жалғастыруда.
- 2025 жылы прегравидарлық дайындықпен қамту 11%-ға артып, 46,5%-ды құрады.
- Жүктіліктің алғашқы 10 аптасында есепке тұрған әйелдердің саны 25%-ға өсті.
Бұл көрсеткіштер әрбір болашақ анаға жеке тәсіл қолдануға, сапалы антенаталдық күтім көрсетуге және қауіпсіз босануды қамтамасыз етуге мүмкіндік береді.
Бұған дейін жаңа жыл түні «102» байланыс желісіне 11 мыңнан астам қоңырау түскені хабарланған еді. Бұл полиция мен жедел қызметтердің мереке күндері күшейтілген режимде жұмыс істегенін көрсетеді.