В Атырау -10 
Атыраудағы орталық спорт аренасы – «Мұнайшы» стадионы 2026–2028 жылдары ауқымды реконструкциядан өтпек.
1950 жылы ашылған бұл стадионды жаңарту жоспары соңғы екі жыл бойы бірнеше рет жарияланған. Осы уақыт ішінде «Мұнайшы» елдегі ең нашар стадиондардың бірі ретінде аталып, әсіресе газон сапасы мен инфрақұрылымына байланысты сынға ілінді.
«Ақ Жайыққа» Атырау облысы әкімдігінен хабарланғандай, жобалық-сметалық құжаттаманы «ҚазақЭнергоПром» ЖШС 2024 жылы әзірлеуді бастаған. Бұл жұмысқа 34,3 млн теңге бөлінген.
Осы жылдың тамыз айында мемлекеттік сараптама жобалық-сметалық құжаттамаға оң қорытынды берді. Қорытындыға сәйкес, реконструкцияның жалпы құны 7,4 млрд теңгені құрайды. Қазіргі уақытта мемлекеттік сатып алу порталында жариялау үшін құжаттар пакеті дайындалып жатыр.
Жоба стадионның барлық инфрақұрылымын қазіргі заманғы талаптарға сай жаңарту көзделіп отыр. Бұл спортшылар мен көрермендер үшін қолайлы жағдай жасауға бағытталған. Жоспарланған іске асыру кезеңі – 2026–2028 жылдар.
Лев ГУЗИКОВ
Сурет: ӨКҚ