В Атырау -4 
Израиль әскері атысты тоқтату режиміне қарамастан, Газа секторындағы оккупацияланған аймақтарға әуе және артиллериялық соққылар жасады. Куәгерлердің айтуынша, шабуылдар солтүстіктегі Газа қаласына және оңтүстіктегі Хан-Юнусқа бағытталған, деп хабарлайды АА.
Израиль әскері қазір сектордың шамамен 60%-ын бақылауда ұстап отыр.
Еске сала кетейік, 9 қазанда АҚШ президенті Дональд Трамп Мысырда өткен келіссөздер барысында Израиль мен ХАМАС атысты тоқтату жоспарының алғашқы кезеңін мақұлдағанын жариялаған болатын. Бұл келісім 10 қазанда Израиль үкіметінің мақұлдауымен күшіне енді.
Алайда келісімге қарамастан, Израиль әскері палестиналық аймақтарға түрлі себептермен соққыларын жалғастырып келеді.
Трамптың жоспарына сәйкес, екінші кезеңде Газа секторын қалпына келтіру, Бейбітшілік кеңесін және Халықаралық тұрақтандыру күштерін құру, сондай-ақ эксклавты басқарудың болашақ жүйесін анықтау қарастырылған.