В Атырау -7 
Energy Monitor дерегінше, Каспийдегі Қашаған кен орнында күкіртті шамадан тыс орналастырғаны үшін NCOC компаниясына 2,3 трлн теңге көлемінде экологиялық айыппұл салынды. Бұл шешімді соттың бірінші инстанциясы қабылдады.
Компания айыппұлды міндетті түрде шағымданатынын мәлімдегенімен, сот тәжірибесіне сүйенсек, апелляциялық инстанция шешімді өзгеріссіз қалдыруы ықтимал.
Осылайша, NCOC-қа айыппұлды төлеуге тура келеді. Қоғамда туындаған басты сұрақ — бұл қаражат Атырау облысының жергілікті бюджетіне түсіп, өңірдің экологиялық және инфрақұрылымдық мәселелерін шешуге жұмсала ма, әлде Ұлттық қорға аударыла ма?
Бұл іс Қазақстан тарихындағы ең ірі экологиялық айыппұлдардың бірі болып отыр және оның нәтижесі елдегі экологиялық саясат пен қаржының бөліну тәртібіне айтарлықтай ықпал етуі мүмкін.