Павел Дуров: «Макрон Еуропаны цифрлық ГУЛАГқа айналдырып жатыр»

102 рет қаралды

Telegram мессенджерінің негізін қалаушы әрі бас директоры Павел Дуров Франция президенті Эммануэль Макронды онлайн сыншыларды тұншықтыруға тырысып, Еуропалық одақты «цифрлық ГУЛАГқа» айналдырды деп айыптады. Бұл туралы АА хабарлады.

Дуров өзінің мәлімдемесін АҚШ-тағы X әлеуметтік желісінде жариялап, ЕО-ның Цифрлық қызметтер туралы заңын (DSA) қатты сынға алды. Ол заңның авторларының бірі, бұрынғы Еурокомиссия мүшесі Тьерри Бретонды АҚШ санкцияға алғанын еске салып, Бретонды Макронның жақын одақтасы деп атады.

Дуровтың айтуынша, Макронның халық арасындағы беделі төмендеп барады, ал ол цензура арқылы онлайн сыншыларды үнсіз қалдыруға тырысуда.

АҚШ Мемлекеттік департаменті Еуропаның бес азаматына виза беруге шектеу қойды. Олардың қатарында Бретон, цифрлық платформаларға қысым жасағаны үшін айыпталған бірнеше ұйым жетекшілері бар.

Бретон 2019–2024 жылдары Еурокомиссияда қатаң цифрлық ережелерді қалыптастыруда басты рөл атқарған болатын.

Бүгін, 13:03

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.