В Атырау 0 
Қазақстан Республикасы Үкіметінің 2025 жылғы 20 желтоқсандағы №1118 қаулысына сәйкес Президент Әкімшілігі басшысының орынбасары Ерболат Асқарұлы Досаев «Самұрық-Қазына» ұлттық әл-ауқат қорының Директорлар кеңесіне сайланды.
Бұл қаулы 2008 жылғы және 2013 жылғы Президент Жарлықтарын іске асыруға қатысты бұрынғы үкіметтік шешімдерге енгізілген өзгерістерді қамтиды.
Қазіргі таңда «Самұрық-Қазына» АҚ Директорлар кеңесінде 8 мүше бар. Олардың төртеуі — тәуелсіз директорлар. Мұндай құрылым корпоративтік басқарудың халықаралық үздік тәжірибелеріне сәйкес келеді және қордың стратегиялық шешімдерін тиімді қабылдауға мүмкіндік береді.
Ерболат Досаевтың кеңес құрамына енуі ұлттық экономиканы дамытуға бағытталған ірі жобалар мен бастамаларды жүзеге асыруда тәжірибесі мен білімі арқылы қосымша серпін береді деп күтілуде.