​Индонезиямен еркін сауда келісімі жасалды

2025 жылдың 21 желтоқсанында Санкт-Петербургте өткен Жоғары Еуразиялық экономикалық кеңес аясында Еуразиялық экономикалық одақ елдері мен Индонезия Республикасы арасында Еркін сауда туралы келісімге қол қойылды.

• Келісім тауарлардың 90%-дан астамына бажсыз сауда режимін енгізуді көздейді.
• Жекелеген тауарлар үшін 3 жылдан 15 жылға дейінгі өтпелі кезең қарастырылған.
• Нәтижесінде ЕАЭО елдерінің экспорттаушылары үшін Индонезиядағы орташа импорттық баж мөлшерлемесі 10,2%-дан 2%-ға дейін төмендейді.

Бұл қадам қазақстандық ауыл шаруашылығы мен өнеркәсіп өнімдерінің Индонезия нарығына шығуына қолайлы жағдай жасайды.

Келісімде сондай-ақ сауданы қорғау шаралары, кедендік ынтымақтастық, техникалық және санитариялық талаптар, зияткерлік меншік құқықтарын қорғау, электрондық сауда және экономикалық ынтымақтастық мәселелері қамтылған.

Анықтама:

• 2024 жылы Қазақстан мен Индонезия арасындағы тауар айналымы – 300,5 млн АҚШ доллары (+4,9%).
• Қазақстаннан экспорт – 120,8 млн АҚШ доллары (+26,8%).
• Индонезиядан импорт – 179,8 млн АҚШ доллары (–6%).