В Атырау 0 
Мәскеуде жоғары лауазымды ресейлік әскери қызметкер автокөлігінің астына қойылған жарылғыш құрылғының іске қосылуы салдарынан қаза тапты. Бұл туралы Евронью́с ресейлік билік өкілдеріне сілтеме жасап хабарлады.
Ресей Қарулы күштері Бас штабының Жедел даярлық басқармасының бастығы, генерал-лейтенант Фаниль Сарваров дүйсенбі күні таңертең алған жарақаттарынан көз жұмған. Ақпаратты Ресейдің Тергеу комитеті растады.
Жарылыс салдарынан маңайда тұрған бірнеше автокөлік зақымданған. Оқиға орнында криминалистер жарылыстан бүлінген көлікті және оған іргелес аумақты тексеріп жатыр.
Бұл қастандық соңғы бір жыл ішінде ресейлік жоғары шенді әскери қызметкерлердің тұрғын үйлері маңында жасалған осындай екі шабуылдан кейін тіркеліп отыр.
Тергеу органдары оқиғаның барлық мән-жайын анықтау үшін қылмыстық іс қозғады.