Атырау, 3 желтоқсан 16:31
 ашық В Атырау -9
$ 425.49
€ 512.84
₽ 5.63

Жүрдек пойыздағы жеңілдіктер

1 989 рет қаралды

1 қазаннан бастап «Жолаушылар тасымалы» АҚ «Тұлпар-Тальго» пойызына мүмкіндіктері шектеулі жандар үшін 50 пайыздық жеңілдіктер енгізеді, деп хабарлады «Жолаушылар тасымалы» АҚ баспасөз қызметінің жетекшісі Тимур АСЫЛХАНОВ.

2013 жылдың 1 қазанынан бастап «Жолаушылар тасымалы» АҚ мүмкіндіктері шектеулі жандарға және оларға еріп жүретін бір тұлғаға «Гранд» санатындағы вагондарда қарастырылған арнайы орындарға (СВ, екі кісілік) 50 пайыз жеңілдіктер енгізеді, - деді ол.

Естеріңізге салсақ, «Гранд» санатындағы вагонда мүмкіндігі шектеулі бір адамға және қасына еріп жүретін тұлғаға арналған екі кісілік арнайы бір купе қарастырылған.

Бұл купедегі төменгі орын стандартты орыннан кеңдеу, қосымша тұтқамен және жолсерікті шақыру түймесімен жарақталған, - дейді Асылханов. – Арнайы купелерге жол жүру құжаттарын сату мүмкіндіктері шектеулі жандарға арналған кассаларда немесе кезектен тыс қызмет көрсету құқығымен сату нүктесінің кез келген кассасында ұйымдастырылады.

Атырау теміржол вокзалының билет-кассалық бөлімшесі әзірге бұл жаңалықтан бейхабар екен.

Естеріңізге салсақ, Атыраудан Астанаға қатынайтын «Тұлпар-Тальго» пойызындағы екі кісілік люкс бағасы – 29 690 теңге, Алматыға дейін – 45 249 теңге.

Сәуле ТАСБОЛАТОВА

1 қазан 2013, 10:32

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.