В Атырау -15 
Атырау облысында жүргізілген «Цифрлық өткізу» жедел-профилактикалық іс-шарасы барысында синтетикалық есірткі таратумен айналысқан 43 жастағы Қызылорда облысының тұрғыны ұсталды. Бұл туралы Polisia.kz хабарлады.
Тексеру кезінде күдіктінің иелігінен жалпы салмағы 23 грамм «Альфа-PVP» синтетикалық есірткі табылды. Қазіргі уақытта ол қамауға алынып, аталған дерек бойынша ҚР Қылмыстық кодексінің 297-бабының 3-бөлігімен сотқа дейінгі тергеу басталды.
Полиция департаментінің мәліметінше, тергеу әрекеттері жалғасуда. Қылмыстық-процестік кодекстің талаптарына сәйкес қосымша ақпарат жарияланбайды.
Қазақстан Республикасының Конституциясына сәйкес, күдікті сот үкімі шыққанға дейін кінәлі деп саналмайды.
18 желтоқсан 2025, 13:37