В Атырау -10 
16 желтоқсанда Түркиядағы Мәрмәр теңізі жағалаудан шамамен 20 метрге шегінді. Бұл құбылысты Текирдаг провинциясындағы Мармараэреглиси қаласының тұрғындары байқаған. Бұл туралы Habertrk телеарнасы хабарлады.
Куәгерлердің айтуынша, мұндай жағдай соңғы рет үш жыл бұрын болған. Алайда бұл жолы теңіз суы өте қысқа уақыт ішінде тартылған. Өткен аптаға дейін теңіз деңгейінде ешқандай өзгеріс болмаған.
Жағалау бойында құмнан пайда болған аралшықтар көрінген. Таяздап қалған жерлерде бірнеше қайық жағаға тіреліп қалған. Зардап шеккендер туралы ақпарат жоқ.
Айта кетейік, 2023 жылы Кандилли обсерваториясының ғалымдары осыған ұқсас құбылысты зерттеген. Олардың айтуынша, теңіз суының шегінуі ауа қысымының өзгеруіне байланысты және аймақтағы жер сілкіністерімен байланысты емес.