В Атырау -7 
Атырауда боран соғып, салдары аулада тұрған көліктердің зақымдануына әкеп соқты. Алмагүл ықшамауданында қатты жел тұрғын үйдің шатырын жұлып әкетіп, оның қираған бөлшектері автокөліктерге түскен.
Қала әкімдігі аппарат бөлімінің басшысы Кенжеболат Рахимов хабарлағандай, оқиға қатты жел соққан кезде болған.
«Алмагүл ықшамауданында тұрғын үйдің шатырын жұлып әкеткен. Сынған бөліктері бірнеше автокөлікті зақымдады. Олардың кейбірінде мемлекеттік нөмір болса, бір бөлігі — шетелдік тіркеуде тұрғандар», — деді ол.
Әкімдік өкілінің айтуынша, мұндай жағдайда жергілікті бюджет есебінен шығынды өтеу көзделмеген. Көлік иелеріне бірінші кезекте автокөлік сақтандырылған болса, сақтандыру компанияларына жүгіну ұсынылады.
«Бюджеттен төлем қарастырылмайды. Алдымен сақтандыру компанияларына жүгінген дұрыс. Сондай-ақ сотқа жүгіну мүмкіндігі бар», — деп атап өтті Кенжеболат Рахимов.
Шетелдік нөмір таққан көліктерге қатысты мәселе бөлек. Әкімдіктің ақпараты бойынша, олар, әдетте, сақтандырылмаған, бұл өтемақы алу мәселесін айтарлықтай қиындатады. Мұндай жағдайлар бойынша сот тәжірибесі де әртүрлі.
Нәтижесінде автокөлік иелерінің бір бөлігіне іс жүзінде шығынның өтелу жолы түсініксіз. Бұл ретте табиғаттың салдары мен тұрғын үй қорының жай-күйі толығымен адамдарға жүктелмеуі тиіс деп санайтын қала тұрғындарының сұрақтарын тудырып отыр.
Заңгерлер мұндай істерді қарау кезінде үйдің кімнің теңгерімінде екені, сондай-ақ шатырды тексеру актілері мен тиісті күтім жасалмағаны туралы дәлелдемелердің болуы маңызды екенін атап өтеді. Жағдайға байланысты жауапкершілік ПИК, МИБ немесе қызмет көрсететін мердігерлік ұйымға жүктелуі мүмкін.
Атырауда қатты жел мен бұрқасынның жиілеуі аясында көпқабатты үй шатырлары және коммуналдық қызметтердің ауа райы қолайсыз болып кеткен жағдайға дайындығы тақырыбы барған сайын өзекті бола түсуде.
Әзірге зардап шеккен автокөлік иелеріне не сақтандыру төлемдеріне сену, не өз құқығын сот тәртібімен қорғау ғана қалып отыр.
Айгүл МАНСУРОВА