Электр энергиясына тарифтер 2032 жылға дейін өзгермейді — Энергетика министрлігі жобаны талқылауға шығарды

226 рет қаралды

Энергетика министрлігі тарифтерді ұзақ мерзімге тоқтатуды — 2032 жылға дейін көздейтін «Электр энергиясына шекті тарифтерді бекіту туралы» бұйрық жобасын жариялады.

8 қазанда президенттің төрағалығымен макроэкономикалық теңгерімсіздіктер мен инфляциялық тәуекелдерге арналған кеңес өтті. Отырыс қорытындысы бойынша мемлекеттік органдарға бағаны тұрақтандыру және макроэкономикалық тұрақтылықты қолдау бойынша шаралар қабылдау тапсырылды.

Шешімдердің бірі электр энергиясына қазіргі шекті тарифтерді ұлғайтпай сақтау болды. Бұйрық жобасына сәйкес:

2026–2032 жылдарға арналған электр энергиясына шекті тарифтер 2025 жылғы тарифтер деңгейінде белгіленеді; жаңа тарифтердің қолданылуы 2026 жылдың 1 қаңтарынан басталады. Бұл шешім инфляцияны тежеуге және бизнес пен халық үшін болжамдылықты қамтамасыз етуге бағытталған.

Құжат 2025 жылдың 17 желтоқсанына дейін көпшілік талқылауына шығарылды. Ол аяқталғаннан кейін жоба пысықталып, бекітуге ұсынылады.

2 желтоқсан, 10:48

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.