В Атырау -1 
Алмалы ауылдық округінде дезинсекция жұмыстары қарқынды жүріп жатыр. Өңірлік коммуникациялар қызметінің хабарлауынша, зиянкестерге қарсы профилактикалық өңдеу жұмыстарын “AG Disinfection Services” ЖШС жүргізуде.
Қазіргі таңда ауылдағы 56 көшенің 80%-ында дезинсекция толық аяқталған. Әр көшеге екі маманнан бөлініп, улы препараттар топыраққа көміле отырып қолданылады.
– Жұмыстар 26 қарашада басталды. Қазір 10 адамнан тұратын бригада қызмет көрсетіп жатыр. У зиянкестердің қозғалу бағыттары бойынша орналастырылуда. Препараттың құрамында ет пен балықтың иісі бар, бұл кеміргіштердің үйлерге кіруінің алдын алады, – деді компания басшысының орынбасары Гүлсара Худжибекова.
Бұған қоса, әкімдік 150 келі бром-БД (улы бидай) сатып алған. Оның үйдің ішіне және сыртына себуге арналған түрлері тұрғындарға кезекпен таратылып жатыр.