В Атырау -1 
Атырау облысының мамандандырылған ауданаралық әкімшілік соты азаматша К.-ның «Қазақстан Республикасының Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Атырау облысы бойынша департаментіне» қарсы әкімшілік ісін қарап, оның мүгедектік дәрежесін анықтау туралы талабын қанағаттандырды.
Соттың шешімі бойынша, Департамент К.-ның жалпы еңбек ету қабілетінен айрылу дәрежесін арыз берілген күннен бастап белгілеуге міндеттелді. Алдын ала берілген мүгедектік анықтамасына сәйкес, талап қоюшыға бұрын бір жыл мерзімге II топ мүгедектігі тағайындалған. Департамент талап қоюшының міндетті әлеуметтік сақтандыру жүйесіне қатыспауын негізге ала отырып, еңбекке жарамсыздық дәрежесін белгілеуден бас тартқан.
Сот тергеу барысында К.-ның 2022-2024 жылдары жеке кәсіпкер ретінде әлеуметтік аударымдар жасағанын және бұл деректер Салық органдарының құжаттарымен расталғанын анықтады. Сонымен қатар, сот «электрондық үкімет» шлюзі арқылы мемлекеттік ақпараттық жүйелерден алынған мәліметтер үшін жауап берілмейтінін атап өтті.
Нәтижесінде, Департаменттің еңбекке жарамсыздық дәрежесін белгілеуден бас тартуы заңсыз деп танылды. Сот әкімшілік рәсімдердің принциптері, азаматтардың адал ниеті мен заңнаманың түсініксіздігін азаматтардың пайдасына түсіндіру қағидаларын бұзғанын атап өтті.
Шешім апелляциялық сатының қаулысы негізінде заңды күшіне енген және қазір орындалу кезеңінде.