В Атырау +4 
Жаңа Зеландия үкіметі одичавшие (жабайы) мысықтарды ұлттық «Хищники — 2050» стратегиясына енгізді. Табиғатты қорғау министрі Тама Потака бұл жануарлар елдің биоалуантүрлілігіне елеулі қауіп төндіріп отырғанын мәлімдеді, деп хабарлайды Коммерсантъ.
Guardian дерегінше, ел аумағында 2,5 миллионнан астам жабайы мысық бар. Олар сирек кездесетін құстар мен жануарларды жойып, әсіресе Ракиура-Стюарт аралындағы оңтүстік бөгелек мен Руапеху тауындағы жарқанат популяциясына қатты зиян келтіруде. Министрдің айтуынша, бұл «қатігез жыртқыштар» күзендер, ақкістер және егеуқұйрықтармен қатар жоюға жататын түрлер қатарына қосылады.
Бағдарлама 2016 жылы қабылданған, ал егжей-тегжейлі іс-қимыл жоспары 2026 жылдың наурызында ұсынылады. Сауалнама нәтижелері бойынша халықтың 90 пайызы мысықтар санын бақылау шараларын қолдайды.
Алайда бастамаға жануарларды қорғау ұйымдары қарсы шықты. SPCA қоғамы үй мысықтарын міндетті түрде чиптеу және стерилдеу туралы ұлттық заң қабылдауды, сондай-ақ адамгершілікке тән әдістерді қолдануды талап етті.
Ғалымдардың айтуынша, еуропалықтар келгенге дейін Жаңа Зеландияда жыртқыш сүтқоректілер болмаған. Миллиондаған жылдар бойы жергілікті құстар мен жануарлар қауіпсіз ортаға бейімделгендіктен, кейін әкелінген мысықтар мен басқа жыртқыштарға қарсы тұра алмай отыр.