Қазақстанда тоқтау сызығын бұзғаны үшін жүргізушілер қанша төлейді?

Қазақстанда тоқтау сызығын сақтау автоматты камералармен тіркеледі, ал оның шегінен тыс жерде тоқтағаны үшін айыппұл 3 АЕК-ті құрайды — 11 796 теңге. Жыл ішінде қайталанған жағдайда 10 АЕК-ке дейін артады — 39 320 теңге, деп хабарлайды «NewTimes.kz» АА.

Полиция даулы жағдайлар туындаған кезде жүргізушінің қаулыны қарау үшін полиция департаментіне жүгінуге құқығы бар екенін нақтылады — мұндай өтініштер жеке қарастырылады.

Сонымен қатар, бағдаршамның қызыл түсіне өтіп кеткені үшін неғұрлым қатаң жаза қарастырылған:

• 10 АЕК — 39 320 теңге,
• жыл ішінде қайталанған бұзушылық жағдайында — 15 АЕК — 58 980 теңге. 

Бүгінгі күні 1 АЕК мөлшері 3 932 теңгені құрайды.