Женевадағы Украина келіссөздері аяқталды: Рубио Вашингтонға оралды

243 рет қаралды

Андрей Ермак пен Марко Рубио Женевадағы баспасөз конференциясында/Фото: Martial Trezzini/Keystone/picture alliance

Швейцарияда Украина бойынша өткен жоғары деңгейдегі келіссөздер аяқталды. АҚШ мемлекеттік хатшысы Марко Рубио Женевадағы кездесулерден кейін Вашингтонға ұшып кетті, деп хабарлайды BBC.

Рубио техникалық талқылаулар әлі де жалғасатынын атап өтіп, «мақсатқа өте қолайлы мерзімде, жақын арада жетеміз» деген сенім білдірді. Оның айтуынша, келіссөздерге америкалық тараптан түрлі деңгейдегі сарапшылар толықтай жұмылдырылған.

Жексенбі күні өткен кездесулерден кейін Рубио Украина өкілдерімен соғысты тоқтатуға бағытталған жоспары бойынша «айтарлықтай ілгерілеушілік» бар екенін айтты. Мемлекеттік хатшы бұл талқылауларды Дональд Трамп әкімшілігі басталған қаңтар айынан бергі Украинамен өткен ең нәтижелі кездесу деп бағалады.

Қорытынды келісімнің күшіне енуі үшін оны АҚШ президенті Дональд Трамп және Украина басшысы Владимир Зеленский мақұлдауы қажет. CNN мәліметінше, жоспарды Ресей де қолдауы тиіс.

24 қараша, 10:01

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.