В Атырау -10 
18–23 қараша аралығында Атырау облысында жол қозғалысы қауіпсіздігін арттыру және апаттардың алдын алу мақсатында «Қауіпсіз жол» республикалық жедел-профилактикалық іс-шарасы өтуде.
Рейд барысында Әбілқайыр хан көшесінде Lada Priora автокөлігінің жүргізушісі тоқтатылды. Тексеру кезінде оның көлік жүргізу құқығынан айырылғаны анықталып, тиісті әкімшілік хаттама толтырылды.
Сондай-ақ, Chevrolet Cruze және ВАЗ-2115 көліктерін басқарған екі жүргізушінің жеңіл дәрежеде алкогольдік масаң күйде екені белгілі болды. Оларға да заңға сәйкес әкімшілік хаттамалар жасақталды.
Полиция қызметкерлері мас күйде көлік жүргізу – ең ауыр құқықбұзушылықтардың бірі екенін атап өтіп, жолдағы қауіпсіздікті сақтау және ережелерді қатаң орындау қажеттігін ескертті.
21 қараша 2025, 19:28