Алаяқтардың құрбаны болмау үшін ​WhatsApp аккаунтыңызды қалай қорғауға болады?

Қазақстан Республикасының Ішкі істер министрлігі WhatsApp мессенджерін пайдаланушыларға киберқауіпсіздік шараларын сақтау қажеттігін еске салады.

Алаяқтар алдау схемаларын үнемі жетілдіріп отырады, сондықтан өз аккаунтыңызды алдын ала сақтандырып қою өте маңызды.

Алаяқтардың құрбаны болмас үшін келесі қарапайым қауіпсіздік шараларын сақтаңыз:

• Екі факторлы аутентификацияны қосып, баптаулар бөліміне кіру кезінде сұралатын PIN-кодты іске қосыңыз.
• Күдікті хабарламалар мен сілтемелерден сақ болыңыз. Белгісіз сілтемелерге өтпеңіз. Растау кодтарын ешкімге бермеңіз.
• SIM-картаға PIN-код орнатыңыз. Бұл нөміріңіздің заңсыз көшірілуінің алдын алады.
• Жеке ақпаратқа қолжетімділікті шектеңіз. Баптаулардан сурет, статус және соңғы рет онлайн болған уақытыңызды кім көре алатынын тексеріңіз.
• Белсенді сеанстарды үнемі бақылап отырыңыз. Аккаунтыңызға бөгде құрылғылар қосылмағанын тексеріп, көз жеткізіп тұрыңыз.

Алаяқтар көбіне таныстарыңыздың атынан хабарласып, қарыз сұрауы мүмкін. Мұндай жағдайда әрдайым тікелей хабарласып, ақпаратты нақтылап алған жөн. Бұл — өз қаражатыңызды қорғаудың ең тиімді жолы.