СҚО-да элеватор жұмысшысы астық қоймасына құлап, көз жұмды

118 рет қаралды

Солтүстік Қазақстан облысының Ақжар ауданында 34 жастағы жұмысшы әйел биіктігі шамамен 30 метр болатын дән сақтау қоймасына құлап, қаза тапты. Оқиға 2025 жылғы 19 қарашада болған, деп жазады Zakon.kz.

Әлеуметтік желіде тараған мәліметтерге сүйенсек, оқиға куәгерлері бірден құтқару қызметіне хабар берген. Алайда құтқарушылар келген кезде әйел дің өмір белгілері болмаған.

Солтүстік Қазақстан облысы полиция департаментінің баспасөз қызметі Zakon.kz-ке берген жауабында аталған дерек бойынша тергеу жүргізіліп жатқанын мәлімдеді.

«19 қарашада Ақжар ауданының бір ауыл шаруашылығы кәсіпорны аумағында дән сақтау қоймасына құлаған 34 жастағы жұмысшы әйел қаза тапты», – деп хабарлады полиция департаменті.

Сонымен қатар, еңбек қауіпсіздігі талаптарының бұзылуына қатысты полиция қылмыстық іс қозғағанын да атап өтті.

20 қараша, 10:32

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.