В Атырау -1 
Литва үкіметі Беларусьпен арадағы шекараны алдағы тәулікте қайта ашатынын мәлімдеді, деп хабарлайды Коммерсантъ.
Бұл шешім 29 қазаннан бері жабық тұрған екі соңғы бақылау-өткізу пунктіне — Мядининкай мен Шальчининкайға қатысты.
Ішкі істер министрі Владислав Кондратович үкімет отырысында: «Ішкі қауіпсіздікті қамтамасыз ету мақсатында шектеулерді алып тастау орынды», — деп мәлімдеді.
Сонымен қатар, ол Вильнюс алдағы уақытта шекараны қайта жабуы мүмкін екенін жоққа шығармады.
Бұған дейін Литва шекара жабуды Беларусь аумағынан метеозондтар арқылы контрабандалық тауарлардың жиі жіберілуімен байланыстырған. Өз кезегінде Минск литвалық жүк көліктерін шекарадан өткізуді тоқтатқан болатын.
Бастапқыда Литва шекараны 30 қарашада ашуды жоспарлаған еді, алайда шешім мерзімінен бұрын қабылданды.