Оқиғалар хроникасы

2 179 просмотра

Жол полициясының қызметкерлері той салтанаты шеруінің алдыңғы жағында «мигалкамен» келе жатқан «Мерседес-Бенц» көлігін тоқтатты. Жүргізуші Ресейде бөлшек сауда нүктесінен көк түсті жалтылдайтын шамды сатып алғанын түсіндірді. ҚР Әкімшілік кодексінің 464-бабы («Арнайы жарық түсiру аспаптарын және дыбыс сигналдарын пайдалану») бойынша хаттама толтырылды.

***

ҚІІБ-на Атыраудың 38 жастағы тұрғыны хабарласты: 55 жастағы Ақтөбе қаласының тұрғыны жаңа көлік әкеліп беремін деп уәде беріп, одан 27 мың доллар алып, ғайып болған. Күдіктіге іздеу жарияланды.

***

Жылыой АІІБ-не Құлсары қаласының 30 жастағы тұрғынынан шағым түсті. Оның үйіне Қосшағыл селосынан 28 жастағы танысы кіріп келіп, күшпен қолындағы 2 алтын сақинасын шешіп алып, көзден таса болған. Күдіктіге іздеу жарияланды.

***

Қыркүйектің 21-інде кешкісін Атырау ықшамауданында Жібек жолы көшесіндегі жеке үйдің ауласында сарай өртенді. Өртті көршілері өшірген. ҚР ТЖМ баспасөз қызметі хабарлағандай, өрт кезінде алынған күйіктен 11 жасар қыз қаза болды.

26 қыркүйек 2013, 00:00

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.