Ресейлік ғарышкер Каспийдің ғарыштан түсірілген суреттерін көрсетті

Ресейлік ғарышкер Олег Артемьев өзінің Instagram-да Халықаралық ғарыш станциясынан түсірілген Жердің жаңа суреттер топтамасын жариялады.

Оның таңдауына әйгілі шығанақтардың сирек кадрлары енді, олардың арасында - Каспий теңізі және Қара-Бұғаз-Гол шығанағы.

Артемьев жарияланымында Жерді айналып ұшу кезінде суретке түсірген шығанақтардың "өте қызықты топтамасын" дайындауға шешім қабылдағанын атап өтті.

Топтамаға мыналар енді:

• Аден шығанағы
• Йемен мен Оман жағынан Аден шығанағы
• Күн батудағы Парсы шығанағы
• Парсы шығанағы
• Аустралияның солтүстігі - Карпентария шығанағы
• Африканың солтүстігі - Габес, Триполи шығанағы
• Коринф шығанағы, Греция
• Ормуз бұғазы және Оман шығанағы
• Каспий теңізі және Қара-Бұғаз-Гол шығанағы

Ғарышкер желі пайдаланушыларына ғарыштық перспективадағы шығанақтардың қайсысы көбірек ұнағанын таңдауды ұсынды.

Олег Артемьев ғарыштан түсірілген Жердің суреттерін үнемі жариялап отырады. Оның лентасында тау жоталарын, шөлдерді, өзендерді, теңіз жағалауларын және орбитадан түсірілген тұтас елдердің кадрларын көруге болады.