В Атырау 0 
Луалаба провинциясында Конго Демократиялық Республикасында шахта опырылып, алғашқы мәліметтер бойынша кем дегенде 70 шахтер қаза тапты, деп хабарлайды АА.
Жергілікті БАҚ хабарлауынша, трагедия Колвези маңындағы Кавама шахтасында болды. Опырылу салдарынан пайдалы қазбаны өндірумен айналысқан ондаған жұмысшы шахта астында қалды.
Қазіргі ақпарат бойынша құтқарушылар 70 шахтердің денесін шығарған. Зардап шеккендер мен із-түссіз жоғалғандардың нақты саны әлі анықталған жоқ.
Конго Демократиялық Республикасының ресми билігі әзірге оқиғаға қатысты түсініктеме берген жоқ.
Оқиға орнында арнайы техника мен құтқару бригадаларының қатысуымен толық көлемді іздестіру-құтқару жұмыстары жалғасуда.
Конгодағы тау-кен кәсіпорындарында осындай апаттар алаңдатарлық деңгейде жиі кездеседі. Сарапшылар негізгі себептер ретінде шахталарға мемлекеттік бақылаудың жоқтығын, еңбек қауіпсіздігі ережелерінің жиі бұзылуын және көптеген объектілердегі инфрақұрылым мен жабдықтардың ескіргенін атайды.