В Атырау +4 
Маңғыстау облысында Каспий теңізінің жағасында құстардың өлексесі табылды. Бұл туралы облыстық орман шаруашылығы және жануарлар дүниесі аумақтық инспекциясы хабарлады, деп жазады Kazinform.
Ведомствоның мәліметінше, мониторинг жұмыстары Форт-Шевченконың жағалау аймақтарында, сондай-ақ Түпқараған ауданының Қызылөзен, Аташ және Баутино елді мекендерінің аудандарында жүргізілді.
"Аумақтық инспекцияның, балық инспекциясының және табиғатты қорғау полициясының қызметкерлері аумақты қарап шықты. Тексеру барысында жағалаудың әртүрлі нүктелерінде 13 құстың өлексесі табылды, олардың арасында үйрек, қарқылдақ және шағала бар. Алайда зертханалық талдау үшін сынамалар алу мүмкін болмады, өйткені өлексе шіри бастаған", - делінген хабарламада.
Инспекция аудан әкімдігіне құс қалдықтарын шығаруды және кәдеге жаратуды ұйымдастыру туралы хабарлама жіберді.
Жағалау аймағындағы экологиялық мониторинг бойынша жұмыстар жалғасып жатыр.
Бұған дейін Маңғыстау жағалауында итбалықтардың және басқа да теңіз жануарларының өлімі тіркелген, бұл экологтар мен өңір тұрғындарында алаңдаушылық тудырды.