Қазақстанда тұмау мен ЖРВИ бойынша жағдай маусымдық норма шегінде қалып отыр

Республикада жіті респираторлық вирустық инфекциялар мен тұмау бойынша эпидемиологиялық жағдай маусымдық норма шегінде қалып отыр.

Сырқаттанушылық динамикасы тұрақты және өткен жылдың көрсеткіштерінен төмен деңгейде.

Эпидемиялық маусым басталғалы бері ЖРВИ-дің 1,27 млн жағдайы тіркелді – бұл 2024 жылдың сәйкес кезеңімен салыстырғанда 19%-ға аз.

А типті тұмаудың 304 жағдайы (H3N2) расталды — бұл жыл сайын айналатын стандартты маусымдық кіші түр. Вирустың жаңа штамдары анықталған жоқ.

ДДҰ болжамы бойынша, ағымдағы маусымда вирустың үш штамы өзекті: 

• A (H1N1), 
• A (H3N2)
• B.

Олардың барлығы вакцинаның құрамына енгізілген, сондықтан вакцина аурудың ауыр түрлерінен тиімді қорғаныс береді.

ТМККК шеңберінде халықты иммундау үшін тұмауға қарсы вакцинаның 2,1 млн дозасы сатып алынды. Бұл халықтың 11%-ын вакцинациямен қамтуға мүмкіндік береді, яғни ДДҰ-ның ұсынылған деңгейіне сай және одан асып түседі. Қазіргі уақытта 1,9 млн адам (халықтың 9,4%-ы) вакцина алды, науқан жалғасуда.

Тегін вакцинация келесі санаттағы азаматтарға жүргізіледі:

• – медицина қызметкерлері;
• – диспансерлік есептегі балалар;
• – жетімдер мен мүгедектер;
• – жүкті әйелдер;
• – 65 жастан асқан қарттар;
• – созылмалы аурулары бар тұлғалар.

Вакцинацияны тіркелген жері бойынша емханаларда немесе жеке медициналық орталықтарда (ақылы негізде) алуға болады.

Денсаулық сақтау министрлігі азаматтарға уақтылы вакцинациялануды, жеке гигиена ережелерін сақтауды, үй-жайларды жиі желдетуді және ауру белгілері байқалған жағдайда дәрігерге жүгінуді ұсынады.