Каспий теңізінде 4,0 магнитудалы жер сілкінісі тіркелді

Бүгін түнде Каспий теңізінде жер сілкінісі болды. Бұл туралы Әзербайжан Ұлттық ғылым академиясы жанындағы Республикалық сейсмологиялық қызмет орталығы хабарлады.

Жерасты дүмпулері Атырау уақытымен 03:13-те тіркелген. Сілкініс қуаты — 4,0 магнитуда.

Эпицентрдің координаттары: 40.46° N, 51.77° E, ал гипоцентрдің тереңдігі — 72 км.

Қазіргі таңда зардаптар туралы ақпарат жоқ. Мамандар сейсмикалық белсенділікті бақылауды жалғастыруда.