В Атырау +4 
Атырау облысы бойынша Қылмыстық-атқару жүйесі департаментінің №15 мекемесінде ерекше оқиға орын алды — сотталған азамат ресми түрде некеге отырды.
Салтанатты рәсімге Атырау облыстық азаматтық хал актілерін тіркеу бөлімінің бас маманы А. Жәнекешова мен «Ат-Тахуа» мешітінің бас имамы А. Абдиров қатысып, жас жұбайларға батасын берді.
Сотталған Н.К. сүйіктісінің келісімін алғанын қуана хабарлап, оған гүл шоғын және неке жүзігін сыйға тартты.
Мекеме басшысының орынбасары Еркебұлан Бисенғалиев жас жұбайларды құттықтап, оларға татулық, өзара құрмет пен отбасылық бақыт тіледі.
Ұйымдастырушылардың айтуынша, «Неке қию — жаңа өмірдің бастамасы» ұранымен бұл күні тағы бір жұп ресми түрде отбасын құрды.
Департамент өкілдерінің айтуынша, мұндай бастамалар отбасылық институтты нығайтуға және сотталғандардың қоғамға бейімделуіне оң әсер етеді.