Дональд Трамп Қазақстанға сапар жасау мүмкіндігін жоққа шығармады

Авиация, минералдық ресурстар және цифрлық технологиялар сияқты ынтымақтастықтың басым бағыттары туралы сұраққа жауап бере отырып, Трамп бұл үш саланың да елдер арасындағы әріптестікті дамыту үшін маңызды екенін атап өтті.

«Бұл әбден мүмкін (Қазақстанға бару — ред.). Барлық сала өте маңызды деп санаймын. Бір жылдан кейін не болатынын білмейміз.  Сіздің табиғи ресурсқа бай еліңіз, сондай-ақ парасатты Президентіңіз бар», — деді Дональд Трамп.

Келіссөздер барысында жасалған келісімдер Қазақстан мен АҚШ арасындағы экономикалық байланыстарды нығайтуға, сондай-ақ стратегиялық салаларға инвестиция тартуға жаңа мүмкіндіктер ашатыны да атап өтілді.