Атырау, 20 шілде 16:29
Кешке ашық+29, түнде +24
ҚР Ұлттық банкінің валюта бағамы: $ 384.39  € 431.71  P 6.11

Лаңкестік жасады деп айыпталуда

25 қыркүйек 2013 15:06

Көрнекі суретКөрнекі сурет23 қыркүйекте Атырау облысы қылмыстық істер жөніндегі мамандандырылған ауданаралық сотта лаңкестікке айыпталған тұлғалар тобына қатысты сот үрдісі басталды.

Атырау облыстық сотының баспасөз хатшысы Боранбай ҒАЛИЕВТЫҢ айтуынша, айыпталушылар орындығында Құрманғазы, Исатай аудандарының, сондай-ақ, Атырау қаласының 9 тұрғыны отыр. Ең кішісінің жасы 17-де.

Олардың барлығына ҚР Қылмыстық кодексінің 233-бабының 4-тармағы («Қоғамдық қауіпсіздікті бұзу, халықты үрейлендіру мақсатында адамның өмiріне қастандық жасау»), 233-1-бабының 2-тармағы («Терроризмді немесе экстремизді насихаттау»), 233-2-бабының 2-тармағының («Террористік топ қызметіне қатысу»), 233-3-бабының 1-тармағының («Экстремизмдi немесе террористiк қызметтіқаржыландыру»), 251-бабының 3-тармағы, 252-бабының 3-тармағы («Қаруды заңсыз сатып алу, сақтау және жасау»), 24-бабының 1-тармағы («Қылмысқа дайындалу және қылмыс жасауға оқталу») бойынша айып тағылуда. Атырау облысы қылмыстық істер жөніндегі мамандандырылған ауданаралық сотының судьясы Жұмағали ТӘШІМОВТІҢ төрағалығымен сот үрдісі жабық тәртіпте өтуде.

Естеріңізге салсақ, үстіміздегі жылдың ақпанында Атырау облыстық прокуратурасы Атырау облысының құқыққорғау және арнайы органдарының өңірдегі құқыққорғау органдарының қызметкерлеріне қарсы бірқатар лаңкестік актісін жасауды ұйымдастырған лаңкестік топ мүшелерін анықтап, залалсыздандырғандығы туралы хабарлама таратқан болатын.

Топ негізінен Құрманғазы ауданының тұрғындарынан құралған. 2013 жылдың 6 ақпанында 30 жастағы топ басшысы Ким Рамизаға және топтың басқа белсенді мүшелеріне қатысты ҚР Қылмыстық кодексінің 233-2 бабының 2-тармағы («Террористік топ құру, оған басшылық ету және оның қызметіне қатысу») бойынша қылмыстық іс қозғалды.

Облыстық прокуратураның мәліметтері бойынша, топ мүшелерінің мекен-жайы бойынша екі шолақ аңшы мылтығы мен қолдан жасалған жарылыс құрылғыларының компоненттері табылып, тәркіленген.

Сәуле ТАСБОЛАТОВА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1517 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4

Последние новости