В Атырау +4 
Демократ-социалист Зохран Мамдани Нью-Йорк тарихында қала мэрі болған алғашқы мұсылман атанды, деп хабарлайды АА.
Жергілікті уақытпен сағат 21:00-де дауыс беру аяқталып, ашық учаскелердегі бюллетеньдердің 89%-ы саналды.
Associated Press алдын ала нәтижелерге сүйене отырып хабарлағандай, Мамдани 50,4% дауыс жинап, ең жақын қарсыласы — тәуелсіз кандидат Эндрю Куомоны шамамен 9 пайыздық айырмашылықпен артта қалдырды.
Куомо 41,6% дауыс жинаса, Республикалық партияның кандидаты Кертис Слива 7,2% дауысқа ие болды. Дауыс саны бойынша: Мамдани — 1 016 968, Куомо — 840 191, Слива — 144 397 дауыс алған.
34 жастағы Мамдани — Нью-Йорк штаты Ассамблеясының мүшесі, демократ-социалист. Ол Нью-Йорк қаласының тарихындағы алғашқы мұсылман мэр, оңтүстік азиялық текті алғашқы мэр және соңғы жүз жылдағы ең жас қала басшысы болды.
Нью-Джерси штатында губернатор сайлауында Демократиялық партия кандидаты Мики Шеррилл 56% дауыс жинап жеңіске жетті, ал АҚШ президенті Дональд Трамп қолдаған республикалық Джек Чаттарелли 43,4% дауыс алды.
Вирджиния штатында губернатор сайлауында Демократиялық партия өкілі Абигейл Спанбергер 56,9% дауыс жинап бірінші орынға шықты, ал Республикалық партия кандидаты Уинсом Эрл-Сирс 42,9% дауыс жинады.