В Атырау +4 
Яна Легкодимованың ісі бойынша сот отырысы төртінші рет қорғау тарапының бастамасымен кейінге шегерілді.
Бірінші рет сот процесі басталардан екі күн бұрын ауыстырылды: адвокат Рустем Серікбай істі басқа қорғаушыға беріп, жаңа адвокатқа материалдармен танысу үшін бір ай уақыт берілді. Екінші рет — адвокаттың басқа қалаға емделуге кетуіне байланысты бір аптаға шегерілді. Үшінші рет — тағы бір қорғаушының ауырып қалуына байланысты кейінге қалды. Бұл жолы да сот өтпеді, басқа айыпталушының адвокаты науқастанып қалыпты.
Мұндай созбалаң жағдайлар айыпталушыларға тиімді: олар қосымша дайындалуға уақыт алады, іске қоғам назарын азайтады және тергеу изоляторында өткізген уақыт “жиналып” отырады. Себебі қамауда өткізген бір күн түрмедегі бір жарым күнге теңестіріледі.
Тараптар жарыссөзі болатын келесі сот отырысы 12 қарашаға белгіленді. Әрине, ол уақытқа дейін барлығы сауығып шықса.
Анастасия ШЕРСТЯНКИНА