Каспий жағалауынан 100-ден астам итбалықтың өлексесі табылды

194 рет қаралды

Сурет: Маңғыстау облысының экология департаменті

Каспий теңізінің Түпқараған ауданында 112 итбалықтың өлексесі анықталды, деп хабарлайды Маңғыстау облыстық экология департаменті.

3 қараша күні Ақтау тұрғындарынан түскен хабарламадан кейін зертханалық-талдамалық бақылау бөлімінің мамандары теңіз жағалауын тексеруге шыққан. Нәтижесінде Асан елді мекенінен Баутино мүйісіне дейінгі аралықта итбалықтың өлексесі табылған.

«Балық инспекциясы басқармасымен бірлескен мониторинг кезінде 39 өлексенің Асан мен Форт-Шевченко арасынан, ал 73 өлексенің жағажай мен Баутино мүйісі арасынан табылғаны анықталды», – деп хабарлады департамент мамандары.

Мамандар теңіз суынан сынама алып, зертханалық талдауға жіберген. Оқиға туралы ақпарат дереу «112» қызметіне жолданған.

4 қараша, 11:28

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.