В Атырау +4 
Бірлік-2 ауылында 600 орындық мектеп құрылысы жүріп жатыр. Жобаға тапсырыс беруші — облыстық құрылыс басқармасы.
Қазан айында түсірілген суреттерде ғимараттың шатыры, терезелері жоқ екені және абаттандыру жұмыстары жүргізілмегені көрінеді — құрылыс әзірге кірпіш қалау деңгейінде тұр.
Мемлекеттік сәулет-құрылыс бақылау басқармасының хабарлауынша, бас мердігер — «Тараз Құрылыс Инвест» ЖШС ҚР Әкімшілік құқық бұзушылық туралы кодекстің 313-бабы, 1-бөлігі бойынша жауапкершілікке тартылған. Айыппұл жұмыс кестесінен кешіккені үшін емес, құрылыс нормалары мен ережелерін бұзғаны үшін салынған. Бұл — жобалық шешімдерді, технологияларды немесе техникалық регламент талаптарын сақтамауды білдіруі мүмкін.
Құрылыстың қазіргі жағдайына қарағанда, мектепті жыл соңына дейін аяқтау екіталай.
Анастасия ШЕРСТЯНКИНА