В Атырау +4 
Ақтөбе облысында 13 жасар оқушы көлік апатынан қаза тапты. Жасөспірім әкесінің көлігін рұқсатсыз мініп кетіп, жол-көлік апатына ұшырады, деп хабарлайды Azattyq Rýhy.
Ақтөбе облысының полиция департаменті хабарлағандай, жол апаты 27 қазанда Бауырластар тұрғын үй кешенінде тіркелген.
«13 жастағы жасөспірім әкесінің автокөлігін рұқсатсыз алып, елді мекен аумағында келе жатқанда көлікті басқара алмай, жол жиегіндегі кюветке аударылып кеткен», - деп хабарлайды полиция.
Бала жарақат алып, ауруханаға түсті. Алайда, дәрігерлер қанша жерден тырысқанымен, оны ажалдан арашалай алмады.
Оқиға дерегі бойынша сотқа дейінгі тергеу басталды. Полиция осындай оқыс оқиға орын алмас үшін ата-аналарға жасөспірім балаға көлік тізгінін ұстатпауға кеңес береді.
30 қазан, 18:08