UFS жауынгері Шавкат Рахмонов президенттің қолынан орден алды

448 рет қаралды

Ақордада Қазақстан Республикасы күні мерекесіне орай мемлекеттік наградалар мен сыйлықтарды тапсырудың салтанатты рәсімі өтті.

Мемлекет басшысы Қасым-Жомарт Тоқаев марапатталғандар өз еңбегімен, талантымен және жетістіктерімен елдің дамуына және оның халықаралық беделін нығайтуға зор үлес қосатынын атап өтті.

Қазақстанның атынан әлемдік аренада өнер көрсететін аралас жекпе-жек шебері Шавкат Рахмонов II дәрежелі "Барыс" орденімен марапатталды.

"Ол еліміздің атын шет мемлекеттерге танытып, мерейін үстем ету жолында тер төгіп жүр.", - деп атап өтті Президент.

Шавкат Бахтыбайұлы Рахмонов - UFC эгидасымен жартылай орта салмақта өнер көрсететін қазақстандық аралас жекпе-жек жауынгері. Жартылай орта салмақтағы M-1 бұрынғы чемпионы. Жартылай орта салмақтағы UFC ресми рейтингінде 3-ші орында. 19 жекпе-жекте 19 жеңіске жеткен.

24 қазан, 15:30

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.