Әзербайжан Арменияға жүк тасымалдауға қойылған шектеуді алып тастады - алғашқы болып қазақстандық бидай жіберілді​​

Президент Ильхам Әлиев Әзербайжан оккупация басталған мезеттен бергі Арменияға жүк тасымалдауға қойылған шектеудің бәрін алып тастады деп мәлімдеді. Бұл туралы Ақорда хабарлады. 

Оның айтуынша, Арменияға алғашқы жүк транзиті ретінде қазақстандық бидай жіберілді. 

«Бұл Әзербайжан мен Армения арасындағы бейбітшілік қағаз жүзінде қалмай, нақты орнағанын көрсететін жарқын мысал», - деп атап өтті мемлекет басшысы.