Қазақстанда 36 млн тонна мал азығы дайын

2025–2026 жылғы қысқы маусымға дайындық жұмыстары шеңберінде ауыл шаруашылығы жануарлары үшін мал азығын дайындау белсенді жүріп жатыр.

Жергілікті атқарушы органдардың мәліметіне сүйенсек, қазіргі таңда дайындалған азық көлемі:

* Шөп – 24,9 млн тонна (жоспардың 101,5%)
* Пішендеме – 1,9 млн тонна (112,5%)
* Құрама жем – 3,2 млн тонна (56,8%)
* Сабан – 2 млн тонна (97%)
* Сүрлем – 4,1 млн тонна (88,6%)

Ең белсенді жұмыс Солтүстік Қазақстан облысында (125%) жүргізілсе, Абай, Ақмола, Ақтөбе, Жамбыл, Алматы, Қостанай, Шығыс Қазақстан облыстары мен Шымкент қаласында (100%) жоспар орындалған.

Дайындалған мал азығының көлемі жануарларды толыққанды азықтандыруға, жоспарлы өнім мен төл алуға, сондай-ақ мал басын сақтауға мүмкіндік береді.

Жалпы, республиканың мал азығымен қамтамасыз ету деңгейі тұрақты.