Атырау, 20 маусым 20:42
Түнде ашық+24, таңертең +32
ҚР Ұлттық банкінің валюта бағамы: $ 382.38  € 428.30  P 5.97

Оқиғалар тізбегі

18 қыркүйек 2013 14:28

Қыркүйектің 9-ында тал түсте Қызылқоға ауданының Миялы селосында белгісіз біреулер ЖШС-лердің бірінің базасының аумағынан 3 машина құмды-қиыршық тасты қоспаны ұрлаған. Бұл туралы 11 қыркүйекте полицияға шағым түсті. Ұрлық жасады деген күдікпен Алматы қаласының 35 жастағы тұрғыны ұсталды. Тергеу жүргізілуде.

***

Қыркүйектің 10-ына қараған түні Амандосов көшесінің бойындағы жеке үйде 20 жастағы қызды 30 жастағы жездесі зорлаған. Тергеу жүргізілуде.

***

Сарықамыс ықшамауданында белгісіз біреулер үй жанына қойылған «Фольксваген-Гольф» көлігінен ішінде 130 мың теңгесі бар сөмкені ұрлаған. Ақтөбе облысының 25 жастағы тұрғынына іздеу жарияланды.

***

Қыркүйектің 12-іне қараған түні Исатай АІІБ қызметкерлері Жасқайрат селосының маңында «Тойота-Ланд Крузер» көлігін тоқтатқан. Оның салонынан 334 келі қара балық табылыпты. Жүргізуші - Батыс Қазақстан облысының 37 жастағы тұрғыны ұсталып, басқа жаққа кетпеу туралы қолхатпен босатылды.

***

«Идеал Маркет» ЖШС директоры 9 және 12 қыркүйекте белгісіз бір жігіт пен қыздың супермаркеттердің бірінен 53 мың теңге болатын 8 банка албырт балығының уылдырығын ұрлағандығын полицияға хабарлады. Полицияға жұптың азық-түлік дүкенінен ұрлықпен айналысып жатқандығы түсірілген бейнежазба ұсынылды. Күдіктілердің жеке басы анықталып, оларға іздеу жарияланды.

***

Құлсары қаласында 13 қыркүйекте кешкісін учаскелік полиция инспекторы өтіп бара жатқан адамдарды ұсақ калибрлі ТОЗ-62 винтовкасымен қорқытқан 60 жастағы жергілікті тұрғынды ұстады. Бұзақылық туралы қылмыстық іс қозғау жөнінде мәселе шешілуде.

***

Қыркүйектің 14-іне қараған түні Абай көшесінің бойында 45 және 28 жастағы екі ер адам төбелескен. Екеуі де бірін бірі айыптап, полицияға шағым түсіріпті.

***

Қыркүйектің 14-інде күндіз Авангардтағы 2-ші ықшамауданда су полициясының қызметкерлері 58 жастағы жүргіншіні ұстады. Оның жол сөмкесінен 14 келі қызыл балық табылды.

***

Қыркүйектің 14-інде күндіз «Дина» базарында Жамбыл облысының тұрғыны мен Ресей азаматы төбелесіп қалды. Қандары бастарына шапқан жігіттерді полиция қызметкерлері айырып алды. Олар полицияға шағым беруден бас тартты.

***

Полицияға Алмагүл ықшамауданының 28 жастағы тұрғынынан шағым түсті: тамызда көршісінің баласы оның ұлынан велосипедін сұрап алып, қайтармай жүр екен. 12 жасар баламен әңгіме жүргізіліп, көлік құралы иесіне қайтарылды.

***

Дамбы тұрғыны полицияға 2008 жылы Авангардтың 45 жастағы тұрғынының жер учаскесін алып беруге көмектесем деп өзінен 500 мың теңгені алып, қайтармағанына шағымданды. Алаяқтық жасады деп күдіктелген тұлғаға іздеу жарияланды.

***

Облыстық туберкулезге қарсы күрес ауруханасының екінші қабатында 6 қыркүйек күні таңғы сағат 5-те киім шешетін бөлмеде асылып қалған 16 жасар қыздың мүрдесі табылды. Курилкин маңындағы саяжай поселкесінде тұратын қыз биылғы жылдың шілдесінен бері ауруханада емделіп жүрген екен. Сараптама тағайындалды.

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1142 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4